കണ്ണീർപ്പുഴ തൻ നെഞ്ചിലൂടൊഴുകി
മന്ദമാരുതൻ കൊഞ്ചലും പേറി
ഞെട്ടറ്റു വീഴും ദളങ്ങൾ തൻ നോവും
വീർപ്പിട്ടു വിങ്ങും സ്മൃതിപഥങ്ങളും
മായയിൽ മുങ്ങും ദേഹികൾ കണ്ടു
നീതിയില്ലാ ജീവപിണ്ഡങ്ങൾ
സദാചാരത്തിൻ വിത്തുകൾ പാകി
കാലദേശത്തിൻ പടക്കളത്തിൽ
മൃത്യു മൃത്യുവേത്തെടും ചുഴികളിൽ
മർത്യനീതിക്കതീതമായ് വാഴും
പഞ്ചഭൂതങ്ങളൊന്നോന്നായ് വീഴുന്നു
മാറുപിളർന്നീ പുഴയിൽ
ചുടലനൃത്തമാടുന്ന ഭൂതങ്ങൾ
പുഷ്ട്ട പരിഷ്ക്കാര ഭ്രാന്തർ
ഘോര വിഷപ്പകയാൽ കലക്കി
കണ്ണീർപ്പുഴതൻ തെളിനീർ
പൊട്ടിയില്ലെങ്കിലും ഈ നീർപ്പോള
നോക്കിനിന്നു നിസ്സഹായയായ്
ചുടുനെടുവീർപ്പിലമർന്നു ഗദ്ഗദം
തിരകളിൽതട്ടി തകർന്നു പോയ്
Picture courtesy: http://www.voidphase.com/media/2010/12/waterdrops_blue1_1920.jpg
നല്ല കവിത
ReplyDeleteശുഭാശംസകൾ.....
നന്ദി സൗഗന്ധികം!!!!
Delete